Fréttir

Vélarverkstæðið er framúrskarandi fyrirtæki 6. árið í röð.

  03.02.2017

Vélarverkstæðið Þór er að finna á lista yfir framúrskarandi fyrirtæki á Íslandi árið 2016. Einungis 1,77% allra íslenskra fyrirtækja standast skilyrði sem Creditinfo setur fyrir því að geta talist framúrskarandi.

Vélarverkstæðið Þór er búið að vera á lista framúrskarandi fyrirtækja síðustu sex ár, og hefur því skorað tvöfalda þrennu að þessu leyti samfellt á sex árum. Það er mikils virði fyrir Þór að teljast til þessa hóps. Þetta er um leið viðurkenning til starfsmanna Þórs um afbragðs árangur.

Creditinfo upplýsir frekar um útnefningar framúrskarandi fyrirtækja á samkomu sem boðað er til í Reykjavík 25. janúar og fjármálaráðherra veitir þeim viðurkenningu sem mest hafa skarað fram úr.

Sjö skilyrði þarf fyrirtæki að uppfylla til að teljast framúrskarandi:

  1. Fyrirtækið sé í lánshæfisflokki 1-3.
  2. Rekstrarhagnaður (EBIT) og ársniðurstaða jákvæð þrjú ári í röð.
  3. Eiginfjárhlutfall 20% eða meira en þrjú rekstrarár í röð.
  4. Eignir hafi humið 80 milljónum króna eða meira þrjú ár í röð.
  5. Framkvæmdastjóri skráður í hlutafélagaskrá.
  6. Fyrirtækið virkt samkvæmt skilgreiningu Creditinfo.
  7. Fyrirtækið hafi skilað ársreikningi fyrir 1. september 2016.

 

Nýlegar fréttir